/ 6 pages
Höttinger Nudl - unabhängige österreichische Faschingszeitung (1973)
Search


RunO um t>en alten Höttinger Turm!

• O verfluacht, tat der Hans sogn, wenn er no
bei ins war, und i sog's a, weil die Leit oanfach
koan Humor meahr hobn. Dös hoaßt ober nit,
daß miar nix mehr zun Lachn hobn, o beileibe
nit. Brauchsch nur s hoache Haus unschaugn,
nachher kunsch's Lachn nit verhöbn. Ja, wönn's
nur nit so earnscht war.

Isch dös öpper nit zun Lachn, wenn der Mar¬
garine-Roman mit oaner zehn Meter langen Dach¬
rinnen af sein Moped obn von Pradl noch Höt-
ting fohrt? Isch nur guat, daß es grögnt hat,
weil bei so an Wötter sein ganz seltn die Puz
unterwögs. Schneibs voar Martini übern Inn, isch
der halbi Winter hin, so schteahts in Baurn-
kalender. Ober wönn's so friah schneib, nachher
wearn die Höttinger Groaßbaurn unruhig. Bis in
lötschtn Augnblick lassn sie die Schof afn Berg
obn, und wenn's nachher schneibn tuat, solin
alli helfn. So isch es voar nit langer Zeit passiert.
Sie hobn damit grechnt, daß dös Wötter bis
Weihnachtn schian bleibt und spöter no bösser
weard, ober der Peatrus hat's schneibn lassn,
und die Schof sein no am Berg obn gwösn. Do
hobn die Baum ober Fiaß kriagt. Wo sie sinscht
alm so langsam sein, ober do isch es ums Geld
gongen, und do sein sie ganz flingg. Sogor mit
die Hubschrauber solltn sie die Schof suachn,
ober wear dös zohln soll, danach hobn sie nit
lang gfragt. Oaner weards schon toan. Warum
solltn sie iatzt af amol zohln, wönn sie bis iatzt
nur alm kriagt hobn? Na, blöd wearn sie sein.

In Grint wearn sie si in nuin Johr ober decht a
bissl derbröchn miaßn, wögn der Mehrwert-
schteier. Ob die Mehrwertschteier wirklich meahr
wert isch wia die alti?

• Wia's bei die Baurn so der Brauch isch,
miaßn sie alli Johr amol auf die Alm aui und
schagn, ob die Woad in Ornung isch. Isch sie
in Ornung, nachher isdi's guat, und wönn sie nit
in Ornung isch, nachher ischs a guat, dös hat der
Max schun alm gsagt und hat a ganz guat glöbt
derbei. Kunsch di no erinnern, wia der Siggl und
der Max in der Buzihüttn ghockt sein? Dö zwoa
Löter hobn schun eppes vertrogn können, und
wias Geld knapp woarn isch, hobn sie glei außn
an Bam verkaft. Mei, sagt der Max zun Siggl,
isch ja gleich, wos war denn, wenn ear nit gwaxn
war? Sigsch, dös isch a a Schtandpunkt. Ja, daß
i weiterderzöhl. Bei dear Almbegehung war der
Karl, der Luis, der Ander, der Unterhofer und die
Balwina dabei. Daß dö nit z' Fuaß af die Alm
aui sein, dös verschteaht si decht vun sehn. Zu
wos hobn denn die Schtadtlinger a Sditraßn af
die Alm aui baut? Wögn dorn Lugger sicher nit.
Sigsch, dö brauchn nur sogn, miar wölln a
Sditraßn, und schon weard sie baut. Selbver-
ständlich hobn sie iahneri Artgenossn af der
Höttinger Alm bsuacht, und i moan, si hobn
ziemlich tankt. Afn Wög zun Axlkopf isch es
nachher passiert. Oaner isch gfalln, und schon
Ilgt er a Trumm untn. Mit an Kalbischtrick hobn
sie iahm auerzouchn. So a Kalbl!

• Af der Schaferhüttn am Axl hobn dö Mander
gschlaffn. Bein Luis hat's af amol an Pfitscher
tun, und die Hosn ischn krod bei der Griet
augscfaprungen. Wia sie nachher wieder ins Toi
keramen sein, hat der Luis miassn mitn Huat
sei Glump verschtöckn.

• Seit insri Baurn durchn Flugplatz Millionär
woarn sein, hat eigentlich a niader sei Hobby.
Friager seins die Berhardiner gwösn, heit ischs
der Ösl. Und gscheit isch dear Osl, i kunn dirs
sogn. Mit dön reitet der Ander in die Schtubn
eini wia nix. Isch nur guat, daß der Ander kurzi
Fiaß hat, sinscht tat er sie nochziachn. Dear ösl
isch so gscheit wia a Mönsch, döswögn sagg man
a oft zu an Mönschn du ösl. Dear treibt af der
Alm die Schof zamm, nachher schpielt er wieder
bein Teater mit, ja sogor bei der Wochn der
Wirtschaft hat er mit no a poor andri mittun.

• Untern Kreizbrindl schteaht a Hüttn, und wia
i do vorbeigeah, hear i a mords Glachter. Wia i
nöchner kimra, hat der Tschaup aussn Rucksack
außer a Mordsdrum vun an Schtoan, statt an
Hosn. In Hosn hat a anderer nachher brocht, weh
ja dö Mander a Hosnössn ghabt hobn. Der Deli¬
katessenlieferant war der Gerhard.

• Na, dönk i miar, iatzt muaß i wirklich amol
zun Frisär giahn mit meini Zotin. Ausgrechnt
zelm hat er zuagschpörrt ghabt. Afn Schildl hob
i glösn: „Vom 8. 8. bis 30. 8. wegen Urlaub
geschossen." Ja, ös habts schon richtig glösn:
Geschossen. In Adi hat er gschtriglt und di Hoor

gförbt, ganz weiß, also warn sie geschossen. Wia
i „geschossen" glösn hob, bin i ganz derschrockn,
weil i gmoant hob, iatzt schiaßn sie bei ins a
schun. S nägschti Mol bitt schön richtig schreibn,
Karl!

• Im Grand-Cafe Kleingasteiger sitzn seit
nuiestem die Prominentn und trinkn oan zun
Zuaspitzn, oan zun Drüberstrahn und oan zun
Zualuckn. Könnscht di aus? Wönn sie nachher
dös Lokal verlassn, isch dös furchtbar gfahrlich,
weil die Auto mit an mords Tempo derhear-
kemmen, und do kunn's schon amol passiern,
daß sie oan zammfohrn. Wia war's mit an Zebra-
stroafn, meini Hearn Gemeinderät? Vielleicht bei
der nägschtn Sitzung schon?

• Die Höttinger wandern aus, seit die Frömdn
in Hötting überhandnemmen. Du kunsch sie in
der ganzn Welt findn. Manchmal hobn sie a
Niederlassungen, sogor in Sellroan, seil woll!
Wönn's amol do einikemmts, nachher fragts nochn
Paul, dear hat a Hiahnerfarm, und dön Mischt
schtraht er in Gartn eini und ziehtet Paradeiser
und Ribisl. Boadi sein natirlich roat, und do
muascht schon genau hinschaugn, daß sie aus-
anander kennsch. Der Leo hat ja a auswandern
wölln noch Mosern, ober in lötschn Augnblick hat
er sies decht no überlögt und isch ins erhaltn
bliebn. I geah alm gearn aui zu iahm. Sogor die
Wappn vun alli acht Bundesländer hat er im
Garten. Du wearsch sogn, miar hobn ja neun

(Fortsetzung auf Seite 2)